Gara-gara tindikan

Innalillahi Wa Inna Ilaihi Roji'un, nelangsa banget pas dikabari jasak nek jakwire yanu sing arane Indra (Yarike Rasti, Bumiayu) ninggal. Ya Allah, padahal Indra kuwi bocahe apikan men yakin - yanu kenal kawit nang SMP Negeri 1 Bumiayu, pas jamane esih kencur dadi pelatih pramuka. 

Indra kuwe, adi kelase yanu rong tahun (pas yanu kelas telu, deweke tembe kelas siji). Yanu sebenere ora kenal banget, tapi nek wong tah ya ... mestine katon kye bocah apikan apa orane. Nah, jaman mbien kuwe sing jenenge Indra mandan lemu (mandan loh ya...) nek menurut yanu tah ora masalah banget nemen. Wong sing penting kan ora overweight, utawa kaya artis gemblep mba Pretty kae. 

Nah, pas lebaran tahun wingi (2005) yanu dolan maring umaeh Indra. Yanu silaturahmi karo mbekayune (Rasti) sisan karo adine. Lah kagete nemen ya, si Rasti karo Indra kuwe penampilane wis berubah kira-kira 720⁰ ndean tah. La primen maning ora kaget, saiki bocah loro kuwe wis langsinge por, rambute lurus direbonding, wajaeh bersih putih, pokoke kaya artis sinetron lah. Ya, maklumlah yanu kan wis suwe ora ketemu (sekitar loro setengah tahun). Dadi, kagete ya nemen ya lih?

Nah, saiki hubungane karo kasuse Indra mau kaya kiye; ngerti dewek mbok nek obate nganggo kecantikan lan pelangsingan kae wis parah men (larange maksude). Wis lah, pokoke sing penting kondisine kesehatane lagi aman - larange kaya apa gen wong gableg tah ora masalah. Tapi, arane bocah nom yah - ana ana bae sing gawe marga. Si Indra kuwe masang tindik nang ilat, jerene tah infeksi apa terus kres karo obat-obatan mau, dadine ana efek negatife - wajahe bengkak, terus lemah jantung. 

Ya Allah, muga-muga diampuni kesalahan-kesalahane Indra - kayane nek wong nom ninggal kayong ngungun men, tapi ya dadi perhatian nganggo jakwir-jakwir kabeh. Aja kemlithak!, pikir ndisit ping loro nek arep anu apa-apa. Wis, muga-muga bisa dadi wacana nganggo ente kabeh.